Ballina Aktualitet Sulmohet me thikë dhe grabitet kambisti në mes të qytetit, maskat marrin...

Sulmohet me thikë dhe grabitet kambisti në mes të qytetit, maskat marrin 10 milionë lekë

Një ngjarje e rëndë mësohet të ketë ndodhur mbrëmjen e sotme në qytetin e Memaliajt, ku një kambist është qëlluar me thikë nga një person ende i pa identifikuar.
Burime bëjnë me dije se ngjarja ka ndodhur pak minuta më parë në afërsi të qendrës së qytetit të Memaliajt, ndësa i plagosuri është shtetasi Mustafa Mustafai 70 vjeç.
I plagosuri mësohet se është dërguar me urgjencë në spital, i mbuluar nga gjaku ndërsa kanë qenë banorët ata që i kanë ardhur në ndihmë.
Të njëjtat burime bëjnë me dije se pasi është sulmuar kambisti, dy personat e maskuar kanë qëlluar edhe bashkëshorten e këtij të fundit, Thëllëza Mustafai, 67 vjeçe, e cila ka qenë duke mbyllur derën e biznesit.
Sipas të dhënave të para ngjarja ka ndodhur në momentin kur çifti i bashkëshortëve po mbyllte biznesin  e tyre. Dyshohet se grabitësit kanë marrë një shumë prej 10 milionë lekësh dhe më pas janë larguar.

Exit mobile version