Presidenti Meta nuk dekreton shkarkimin e Ditmir Bushatit

Presidenti i Shqipërisë, Ilir Meta ka vendosur miratimin e kërkesës së kryeministrit për shkarkimin e 6 ministrave dhe zv/kryeministres Senida Mesi.
Me dekrete të veçanta, presidenti Meta ka vendosur shkarkimin e Damian Gjiknurit, Senida Mesit, Lindita Nikollës, Arben Ahmetaj, Sonila Qato, Mirela Kumbaros dhe Niko Peleshit.
Por burime nga Presidenca kanë bërë të ditur se presidenti Ilir Meta ka vendosur të mos e firmosë dekretin për shkarkimin e Ditmir Bushatit.
Presidenti Ilir Meta ka dekretuar emërimin e katër ministrave deri tani;
Eduard Shalsi, Ministër i Shtetit Për Mbrojtjen e Sipërmarrjes,
Blendi Çuçi, Ministër i Bujqësisë dhe Zhvillimit Rural,
Elisa Spiropalin te Marrëdhëniet me Parlamentin
Erion Braçen zëvendëskryeministër.
Deri tani janë dekretuar ministrat dhe zv/ kryeministri të cilët janë edhe deputetë.
Për 5 emrat e tjerët që nuk janë deputetë po grumbullon informacion, teksa ka 7 ditë afat për t’u shprehur.
Të padekretuar:
Genti Caka
Elva Margariti
Besa Shahini
Belinda Balluku
Anila Denaj