Erdhi… fitoi… iku…!

Cristiano Ronaldo ka marrë një duartrokitje të ngrohtë nga tifozët e Manchester Unitedit në përfundim të takimit mes “Djajve të kuq” dhe Juventusit në “Old Trafford”.
Ish-ylli i Unitedit u rikthye në Mançester me skuadrën e tij të re, Juventusin, në takimin e mbrëmshëm të Champions League.
Ronaldo u përfshi në golin e fitores të shënuar nga Paulo Dybala, pasi e harkoi një top nga krahu i djathtë, i cili e gjeti sulmuesin argjentinas pasi Chris Smalling nuk ishte në gjendje ta largojë atë nga zona.
Edhe Manchesteri humbi 1-0, tifozët në ‘Old Trafford” duartrokitën ish-heroin e tyre në fund të takimit.
Madje një tifoz u fut në fushë për ta takuar Ronaldon, por u kap nga sigurimi pak para se të mbërrinte te portugezi. Megjithatë, ai përsëri ai doli të bëjë selfie me ish-yllin e skuadrës së tij.
Kjo u vlerësua nga Ronaldo, i cili i fitoi tre tituj në Premierligë dhe një në Ligën e Kampionëve në mesin e shumë trofeve gjatë qëndrimit të tij 6-vjeçar tek United para se t’i bashkohej Real Madridit më 2009.
“Fitore e rëndësishme dhe ndeshje shumë emocionale për mua. Të luaja përsëri në ‘Old Trafford’ ishte madhështore”, shkroi Ronaldo në Instagram.
“Faleminderit të gjithë tifozëve për mikpritjen dhe përkrahjen”, shtoi portugezi.