Përdhunimi/ Taulant Ballën nuk e shpëton dot as inflacioni me padi e as show në Prokurori

Pas dorëzimit në Prokurorinë e Krimeve të Rënda nga Taulant Balla, lidhur me rastin “Xhisiela”, ku ai ka paditur për shpifje kryetarin e PD, Luluim Basha, deputetët Edi Paloka dhe Enkelejd Alibeaj dhe gazetarin Basir Çollaku, si dhe nënkomisarin Emiljano Nuhu, ka ardhur edhe reagimi i parë nga Alibeaj.
Me anë të një postimi në rrjetet sociale, Alibeaj shprehet se Taulant Ballën nuk e shpëton dot as “inflacioni me padi e as shoë në Prokurori”.
Reagimi i Alibejat
“Inflacioni me padi apo show në prokurori nuk e shpeton dot Taulant Ballën nga përgjigja: pse qeveria e tij nuk shfaq çfarë përmbajnë kamerat e Policise së Fushë Krujës.
Përsa kohë qeveria mbulon të vërtetën, Taulant Balla nuk ka pse të ndjehet i fyer, kur ne i kujtojmë se ai ka marrë pjesë në kërcënimin me pistoletë në kokë të nënkomisar Emiljano Nuhut.
Qytetarët e kanë parë sesi ai po sillet si anëtar i bandës së Fushë Krujës në mbrojtje të Rrahman Rrajës dhe djalit të tij përdhunues.
Qytetarët nuk kanë harruar se ditën e parë të reagimit të tij, Taulant Balla quajti “idiotizëm” përdhunimin e vajzës nga djali i kolegut të tij.
Loja me padi është e dalë boje, njësoj si gënjeshtrat e Taulant Yaris se në 21 Korrik ishte një herë ne inaugurim, një herë për peshk”.

Si gënjeu Balla sapo doli nga Prokuroria
Kryetari i grupit të Partisë Socialiste, Taulant Balla ka qenë sot për rreth dy orë në Prokurorinë e kryeqytetit në kuadër të hetimeve pas denoncimit të ish-oficerit të policisë së Fushë Krujës, Emiljano Nuhu. Por, siç deklaroi vetë Balla, në dalje nga Prokuroria, ai vetëm për akuzat e oficerit Emiljano Nuhu, nuk ishte pyetur nga prokurorja e Tiranës, Elsa Miha.
Midis të tjerave, Taulant Balla ka artikuluar edhe një sërë gënjeshtrash.
Emiljano Nuhu akuzoi vëllanë e deputetit se i ka vënë pistoletën në kokë, vetë deputetin Rraja, kryebashkiakun Artur Bushi dhe Taulant Ballën se ishin në mesin e 10 personave që e kërcënuan në komisariatin e Fushë Krujës në datë 21 korrik.
Kryetari i Grupit Parlamentar të Partisë Socialiste, Taulant Balla i konsideroi “grup të strukturuar” kryetarin e Partisë Demokratike, Lulzim Basha, gazetarin Basir Çollaku dhe oficerin e Policisë, Emiljano Nuhu. Balla tha se ka edhe persona të tjerë të këtij grupi, duke i bërë thirrje Prokurorisë që të marrë në pyetje Lulzim Bashën.
-Ju ishit me vullnetin tuaj?
Unë kam ardhur për të të depozituar një dosje provash që justifikojnë kallëzimin tim. Unë kam bërë kallëzim, nëse është i rremë unë mbaj përgjegjësi.

-Sa qëndruat?
Gati 120 minuta. Ky është një grup i strukturuar, Basha, Nuhu dhe Çollaku dhe persona të tjerë që fabrikuan një inskenim të turpshëm. Kam deklaruar në kallëzimin tim se nuk kam qenë në Krujë.
-Ju kërkoj shpjegime prokurorja edhe për çështjen Nuhu?
Çështjet që isha unë, ishte vetëm për kallëzimin tim penal. Në datë 10 Basha nëse kthehet në Shqipëri, e pres edhe në gjykatën e Tiranës dhe për një çështje tjetër. Prokuroria, Bashën ta thërrasë sa më shpejt për të sqaruar sa më shpejt opinionin. Një opozitë pa program ka përfunduar në prodhimin e Babaleve.
Ish-oficeri i Krujës, Nuhu akuzoi se në datë 21 korrik është kërcënuar më armë në kokë për të mbyllur dosjen e hapur për akuzën e përdhunimit në ngarkim të djalit të deputetit të Partisë Socialiste, Rahman Rraja. Ai akuzon se në datë 21 korrik vëllai i deputetit i ka vënë pistoletën në kokë, në prani të deputetit Rraja, kryebashkiakut Artur Bushi dhe kreut të grupit parlamentar të PS, Taulant Balla, të cilët se ishin në mesin e 10 personave që e kërcënuan.