Mbyllja e shkollave në Zallherr, fëmijët ecin 7 km, mësuesit në protestë

Mbyllja e mbi 100 shkollave nga Ministria e Arsimit ka shkaktuar problem të shumta edhe në Qarkun e Tiranës.
Deputetja e PD, Jorida Tabaku ishte në një tjetër zonë të Zallherrit, ku mbi 85 nxënës do të detyrohen të mos vijojnë mësimin në shkollën ekzistuese në Pinar, duke u zhvendosur 7 km më larg, ne qendër të njësisë administrative.
Ja deklarimet e sotme të deputetes Tabaku rreth këtij shqetësimi të madh për mijëra nxënës e prindër jo vetëm në Tiranë porn ë të gjithë vendin.
“Jemi ketu ne Shkollen e Pinarit e para e kesaj zone e hapur prej 47 vitesh. Per kete shkolle nje banor i Pinarit ka dhene token e tij dhe mjetet e tij financiare.
Eshte nje zone e bekuar nga Zoti por e harruar nga qeveria. Eshte nje zone qe nuk ka pare investime ne 5 vitet e fundit ku po i detyron femijet e zones te shkojne deri ne 7 km me larg, ne qender te Zallherrit, me rruge te pashtruar, pa kushte, pa i njoftuar.
I kane njoftuar diten e premte qe do te spostohen mesuesit dhe nxenesit. Banoret thone se nuk kane pare nje administrator lokal prej muajsh dhe asnje peraqesues lokal, pervec atyre qe mbarojne bizneset e veta.
Mesuesit e zones ishin duke protestuar ne zonen e Zallherrit”, thotë deputetja demokrate Jorida Tabaku.
Deputetja Jorida Tabaku ishte edhe në fshatin Herras të Zallherrit ku edhe në këtë zonë është mbyllur një shkollë fillore.
Bashkë me banorët denoncohet fakti i mungesës së investimeve dhe harmonizimit të plotë të klasave të kësaj shkolle.