Kreu i Kuvendit të Kosovës kundër Thaçit: Ndryshimi i kufijve, plan serb

Kryetari i Kuvendit, Kadri Veseli ka dalë kundër ideve për ndryshim të kufijve të Kosovës me Serbinë.
Së fundit, idetë e tilla i ka përkrahur presidenti kosovar Hashim Thaçi që parapëlqen t’i quan si ‘korrigjim kufijsh’.
Por, për Veselin këto janë plane të vjetra të Serbisë.
Presidenti Hashim Thaci që së fundi po lobon për ‘korrigjim kufijsh’ mes Kosovës dhe Serbisë ka marrë goditjen e radhës nga ish-bashkëpunëtori i tij i ngushtë Kadri Veseli.
Kreu i PDK-së ka vlerësuar se idetë për ndryshim kufijsh të Kosovës janë plan i vjetër serb, dhe si të tilla kanë marrë fund përgjithmonë në vitin 1999.
‘Ndarja e Kosovës është një nga pretendimet e vjetra të Serbisë, të cilat kanë marrë fund një herë e përgjithmonë në vitin 1999”, ka thënë Veseli në një shkrim të tij autorial të publikuar në Gazetën Express.
Madje, Kryeparlamentari thotë se Serbia po prodhon ‘fakeneës’ të tilla në Kosovë për të prodhuar tensione dhe perceptim ndërkombëtar për Kosovën si një vend jo të qëndrueshëm.
‘Në të njëjtën kohë, Serbia, e interesuar në vazhdimësi për jostablitet në Kosovë, me propagandën e saj politiko-mediale, duke përdorur teknikat e reja të fake neës, vazhdon t’i kontribuoj kësaj klime dhe tendencave për të prodhuar tensione.
Efekti i synuar, gjithmonë i njëjtë : Të krijohet perceptimi ndërkombëtar për Kosovën si një vend jostabil e problematik, që nga ditë në ditë pritet të shpërthej dhe shpërbëhet!”, ka shkruar Veseli në shkrimin e tij.