Miliona eurot e kapura në “Toyota” do të përdoreshin në ndërtimin e kullave

Deputeti i PD, Florjon Mima, eksperti i financave, deklaroi sot në Komisionin për Veprimtarinë Prodhuese se pas kanabizimit të vendit, shpëlarja e parave të pista në sektorin e ndërtimit është pjesë e një cikli të mirëmenduar nga qeveria.
Mima i përmendi deputetëve të PS, rastin e fundit, atë të përfshirjes së Sekretarit të Përgjithshëm të PS, Taulant Balla në shpëlarjen e parave të pista pas kapjes së miliona eurove të fshehura në dy Toyota.
“Ju patëm paralajmëruar se me këtë mënyrë qeverisjeje do të jetë e vështirë të bindni, strukturat e BE. Sot dy ditë para ka gjasat që negociatat nuk do të hapen soe em kushte shumë herë më të mëdha. Të gjitha këto duhet të na bëjnë të refktojmë për rrugën qorre ku mazhoranca e ka futur vendin.
Para disa ditësh, edhe mazhoranca është njohur me një rezolutë të dhimbshme nga Gjermania, që skanon të gjitha bëmat e Rilindjes dhe vë pikat mbi i, disa në fakt, duke filluar me krimin, drogën, korrupsionin, reformën në drejtësi që po rezulton vetëm në letër, pasi vetëm një grusht fare i vogël gjyqtarësh e prokurorësh po kalon në sitën e Vetingut, me trupat ende të pamaterializuar ende si SPAK, BKH. Ne ua thamë dhe ndeshëm në shurdhmërinë tuaj.
Nuk mund të shkohet në Europë me një ministër të mbrojtjes që mbrohet nga forca juaj politike; me një ministër që ka vëllanë trafikant droge të dënuar; me një Sekretar të Përgjitshëm tuajin që akuzohet për Toytota-n. Ju vazhdoni të qeshni, po ky është një cikël i mirëmenduar nga ana juaj dhe vazhdon me shpëlarjen e parave të pista, nëpërmjet një aktiviteti kryesor që është ndërtimi. Opozita ju ka thënë me kohë që bumi i lejeve të ndërtimit në këtë kohë nuk ëhstë tjetër përveç materializmi për të shpëlarë këto para, aq shumë sa trondisin edhe parametrat monetarë dhe fiskalë të vendit”, u shpreh Mima.