Shembja e Teatrit/ Spaho: Rama nuk ndalet me peticione, ai kupton vetëm “gjuhën e Kukësit”!

Kryetari i Grupit parlamentar të PD,Edmond Spaho i ka bërë thirrje artistëve, intelektualëve, dhe gjithë qytetarëve shqiptarë që të mblidhen të gjithë tek Teatri për ta shpëtuar godinën historike pasi kryeministri, theksoi ai, nuk e gjen gjuhën institucionale, njeh vetëm “gjuhën e Kukësit”.
Deklata u bë në Komisionin e Medias ku artistët e kryesuar nga Robert Ndrenika po ngulmojnë për mos të lejuar shembjen e godinës së Teatrit Kombëtar.
“Nëse qeveria ka ndërmend të ndërtojë një Teatër të ri, bujrum le ta bëjë, por këtë të mos e prishë. Ne nuk duhet të biem në kurthin e çështjeve teknike, si do të ndërtohet etj etj. por Teatri me histori 90-vjeçare duhet të ruhet. Pse nuk prishet godina në krah të Teatrit, po u rikonstruktua?! Edhe Teatri mund të rikonstruktohet!”, tha Spaho.
Ne do të jemi me ju kudo që t’ju mbështesim. Së dyti, ne do të sensibilizojmë qytetarët, sepse duke ndenjur indeferentë po na mbysin kullat. Janë bërë ngjitur me njera tjetrën.
Ne u bëjmë thirrje intelektualëve të mos rrinë indiferentë, të mos merren me debate në kafenera, por të shprehin mendimin e tyre dhe ta ngrenë zërin. Edi Rama nuk njeh rrugë institucionale. Po besuat se ne do ta pengojmë atë me letra, peticioneve, dëgjesa me ministren…këto vlejnë për të sensibilizuar, por Edi Rama kupton vetëm “gjuhën e Kukësit”. Atje ku rrezikohet pushteti i tij ai reagon. Ne duhet të mblidhemi të gjithë te Tetatri dhe t’i bëhemi pengesë atij”, deklaroi Spaho.