Donald Trump dhe Kim Jong Un mbërrijnë në Singapor

WASHINGTON, DC - JUNE 01: (AFP OUT) U.S. President Donald Trump (2-R) walks with Kim Yong Chol, former North Korean military intelligence chief and one of leader Kim Jong Un's closest aides, on the South Lawn of the White House on June 1, 2018 in Washington, DC. Both Trump and Kim Yong Chol are trying to salvage a recently canceled historic summit between US President Donald Trump and North Korean leader Kim Jong-un scheduled for June 12. (Photo by Olivier Douliery - Pool/Getty Images)

Presidenti Donald Trump ndodhet në Singapor për takimin e së martës me udhëheqësin koreano-verior Kim Jong Un.
Pasi zbriti nga avioni presidencial, zoti Trump u prit nga ministri i jashtëm i Singaporit, Vivian Balakrishnan. Para se të mbërrinte në Singapor, Presidenti Trump ka pohuar për takimin se po shkel në “territor të panjohur”.
Në përgjigje të pyetjes së Zërit të Amerikës para se të nisej për në Azi nga Kebeku, presidenti u shpreh me vetëbesim për takimin historik dhe të pashembullt mes një presidenti amerikan dhe një udhëheqësi të vendit të izoluar komunist. Po ashtu, Presidenti Trump u shpreh se beson që Kim Jong Un është i gatshëm të bëjë diçka të vyer për kombin e tij, por paralajmëroi se takimi është një shans i papërsëritshëm nëse bisedimet nuk ecin mirë.
Edhe udhëheqësi koreano-verior ka mbërritur tashmë në Singapor. Ky është udhëtimi më i largët jashtë vendit që ka bërë Kim Jong Un që kur mori pushtetin në 2011.
Media nuk arriti të kapte pamje të mbërritjes së zotit Kim kur po dilte nga limuzina që e solli udhëheqësin koreano-verior nga aeroporti pas mbërritjes sot me një avion kinez. Turistë dhe një mori gazetarësh ishin mbledhur përgjatë rrugës ku kaloi autokolona e shoqëruar me përforcime sigurie.
Më pas Kim Jong Un u shfaq me një buzëqeshje plot vetëbesim kur po shtrëngonte duart me kryeministrin e Singaporit Lee Hsien Loong, në pallatin Istana.
Singapori u zgjodh si një vend neutral për këtë takim shumë delikat dhe të rëndësishëm.