Çmendet merkatoja! Juventusi jep Higuain dhe 50 milionë euro për Icardi

Vetëm dy ditë më parë ju treguam për merkaton e bujshme që do të qëndrojë mes Interit dhe Juventusit për Mauro Icardi. Se sulmuesi argjentinas i pëlqen “Zonjës së Vjetër”, ky nuk është një mister, pasi bardhezinjtë u përpoqën të trokasin në derën e zikaltërve edhe dy vjet më parë. Nëse ndonjë gjë është befasia e vërtetë e këtyre negociatave, kjo ka të bëjë me atë që po përpiqet të ndërtohet mes dy ekipeve.
Sipas “Il Corriere della Sera”, është ende e paqartë nëse Juventusi, apo Interi kanë qenë të parët, që e kanë propozuar shkëmbimin, por “lëngu” nuk ndryshon. Të dyja klubet po arsyetojnë një fazë ende paraprake të shkëmbimit sensacional mes Gonzalo Higuain dhe Mauro Icardi, me një bilanc ekonomik në favor të zikaltërve prej rreth 50 milionë euro.
“Fantamercato”? A do të bëhen negociata? Është ende herët dhe, siç e dimë, merkatoja po evoluon nga ora në orë. Por, pse Interi nuk u ul në tryezën e bisedimeve dy vite më parë dhe sot kompania “Suning” ka hapur një marrëveshje të mundshme? E thjeshtë: buxheti kërkon 45 milionë euro fitime kapitale deri më 30 qershor dhe tregu i zikaltërve është i etur për fonde.

Për ta shitur Icardin te Juventusi, për t’u takuar me Higuain dhe 50 milionë euro, do të ishte si dhënia e një shkopi magjik për problemin e FFP (fair play financiar), duke mbledhur një fitim kapital prej rreth 100 milionë euro (për të kuptuar vlerësimin e saktë të “El Pipita”).
Dëshmia e negociatave aktuale është edhe fakti se Wanda Nara dhe i njëjti Mauro Icardi janë “të tronditur dhe të tradhtuar” (siç ende raporton “Corriere della Sera”) nga hapja e Interit ndaj Juventusit. Lojtari argjentinas ka fituar më në fund pjesëmarrjen në Ligën e Kampionëve dhe tani ka mbetur i habitur nga ky skenar merkatoje.
Lojtari ishte i habitur, edhe pse, siç ndodh pothuajse çdo vit, Wanda Nara ka trokitur sërish për të kërkuar një rritje të re të pagës. Icardi ka një kontratë, e cila përfundon më 2021 dhe me sigurimin e vendit në Ligën e Kampionëve, ai do të fitojë rreth 6 milionë euro.
Por, gruaja-agjente e argjentinasit, në vend të kësaj, kërkon të paktën 8 milionë euro në sezon. Në njëfarë kuptimi, edhe nëse duket si fantashkencë, marrëveshja mes Juventusit dhe Interit do t’i bënte të gjithë të lumtur.
E gjitha kjo, nëse ndodh ndonjëherë, duhet të bëhet deri më 30 qershor, relativisht shpejt. Inter do të rregullonte “fair play financiar”, pa pasur nevojë të çmendet për fitime të mëtejshme kapitale. Zikaltrit do të kenë 50 milionë euro për të investuar në treg, plus 40 nga Liga e Kampionëve.