Skema e pastrimit të parave të piramidës “Rama” me kompaninë e naftës “Gulf”, qindramilionë euro fitime

Rënia e firmës piramidale të pastrimit të parave “Gulf” tregon për skemën si ajo ka funksionuar përgjatë pesë viteve në Shqipëri. Individë me rekorde kriminale në pastrimin e parave dhe korrupsionit janë zbardhur që qëndrojnë pas kësaj skeme. Të gjitha lidhjet e tyre kalojnë përmes Soros tek Rama, ndërsa fitimi që besohet se kanë arritur gjatë këtyre 5 viteve llogaritet në disa qindra milionë euro. Të gjitha pikat e karburanteve detyroheshin të blinin naftën nga kompania “Gulf” dhe kjo bëhej me presion dhe kërcënime qeveritare.
Skema se si ka funksionuar “Gulf” me mbikqyrjen e plotë të Ramës është prova më e mirë që Shqipëria është kthyer në një vend ku mafia ndërkombëtare pastron paratë e krimit dhe të korrupsionit
Pas kompanisë offshore që zotëronte Gulf në Shqipëri qëndron gjeorgjiani Aleksandre Gogokhia, i përfshirë në pastrim parash me ortak biznesi ish-ministrin gjeorgjian që u arrestua ndërsa udhëtonte në Shqipëri. Prokuroria shpalli në kërkim bashkë me Albano Aliko dhe administratorin e fundit të kompanisë që mashtroi shqiptarët me gati 5 milionë euro.
Pas kompanisë guackë, që zotëron shoqërinë “Gulf” në Shqipëri qëndrojnë njerëz të akuzuar për pastrim parash. Top Channel ka arritur zbulojë pronarët e kompanisë offshore, të regjistruar në Delaware të SHBA-ve.
Ky është dokumenti që tregon se pronari i “Universal Energy group”, e cila zotëron “Sun Petroleum” dhe “Gulf” në Shqipëri, është Aleksandre Gogokhia, një shtetas gjeorgjian i përfshirë në pastrim parash.
Emri i Gogokhias u bë i njohur në vitin 2013 gjatë skandalit të korrupsionit, që çoi në arrestimin e ish-kryetarit të bashkisë te Tbilistit Giorgi Ugulava.

Nuk mund të jetë rastësi që edhe në këtë skemë pastrimi parash shfaqet Soros. Miliarderi ishte njeriu kyç i sponsorizimit së këtyre figuarve në postet e larta shtetërore në Gjeorgji njësoj sikurse ka vepruar edhe me Ramën në Shqipëri. Nuk mund të jetë po ashtu rastësi që këta njerëz që kanë të njëjtën pikë lidhje, pra Sorosin, të vijnë në Shqipëri të pastrojnë paratë e krimit dhe korrupsionin nën qeverinë e mikut të tyre Rama.
Sipas prokurorisë gjeorgjiane ish-kryetari i bashkisë dhe Gogokhia kanë pastruar përmes kompanive offshore mbi 1.5 milionë dollarë para krimi, përmes të cilave kanë financuar fushatën e partisë Lëvizja e Bashkuar Kombëtare në Gjeorgji.
Por hetimet e mëvonshme do të zbulonin të tjera detaje, të cilat përfshijnë edhe Shqipërinë. Sipas prokurorëve gjeorgjianë Gogokhia ka qenë një nga ortakët kryesorë në biznes të ish-ministrit gjeorgjian të Mbrojtjes Davit Kezerashvili. Ky i fundit u arrestua për korrupsion dhe pastrim parash në aeroportin e Parisit, në momentin që po nisej për të udhëtuar pikërisht drejt Shqipërisë.
Sipas autoriteteve gjeorgjiane, Gogokhia ka menaxhuar bizneset e ish-ministrit gjeorgjian të Mbrojtjes Kezerazhvili edhe pas arrestimit të tij. Ardhja e “Gulf” në tregun shqiptar përkon pikërisht në këtë kohë.
Dokumentet zyrtarë në QKR, tregojnë se kompania “Sun Petroleum Albania” është themeluar në 12 shtator të vitit 2013, kur në Shqipëri kishte ndodhur rotacioni politik dhe sa po formohej qeveria e re. Vetëm një muaj pas themelimit të “Sun Petroleum”, saktësisht në tetor të vitit 2013 ish-ministri gjeorgjian i Mbrojtjes Kezerazhvili tentoi të vinte në Tiranë, por u arrestua në aeroportin e Parisit.
Arsyet e udhëtimit nuk u zbuluan asnjëherë, por ngjarja bëri jo pak bujë në media. Tashmë “Gulf” është vënë nën hetim nga Prokuroria shqiptare, për mashtrim me pasoja të rënda.
Por mbetet për t’u parë nëse hetimet do të përfshijnë edhe kompaninë guackë në “Delaëare” si dhe a do të zgjerohen edhe në pista të tjera si ajo e pastrimit të parave?!