Ballina Aktualitet Berisha publikon videon e dëshmisë tronditëse në Gjykatë: Kam fëmijët pa bukë,...

Berisha publikon videon e dëshmisë tronditëse në Gjykatë: Kam fëmijët pa bukë, më lironi t’ju çoj diçka për të ngrënë

Ish-Kryeministri Berisha ka publikuar në Facebook dëshmitë dy nga 23 të arrestuarit për protestën në Rrugën e Kombit gjatë seancës gjyqësore në Gjykatën e Tiranës. “Tronditese! Abdi Haziri, nje hero, baba me 3 femije. Ai deshmon se femijet jane pa buke, nuk kane çfare te hane nese nuk shkon ne shtepi e t’ju çoj diçka. sb
Lulzim Popa, nje hero ne sallen e gjygjit, nje baba me kater femije i ben gjyqin Edvin Kristaq Rames dhe narkoregjimit te tij!”, shkruan Berisha.
Ndërkohë, seanca gjyqësore për 23 të arrestuarit në Kukës ka përfunduar, teksa gjyqtarja është tërhequr për të marrë vendimin.
Prokuroria ka kërkuar arrest me burg për 11 prej tyre, 5 arreste shtëpie, ndërsa për 7 të tjerët detyrim paraqitje. Policia mori masa të jashtëzakonshme për mbarëvajtjen normale të seancës, duke angazhuar gati 1 mijë efektivë.
Vetë 23 të arrestuarit janë shprehur se ata nuk kishin asnjë qëllim politik, dhe se revolta e tyre ka qenë për shkak të kushteve të vështira ekonomike, në të cilën ndodhen.
Shumë prej tyre janë shprehur se i kanë marrë me forcë, teksa ishin duke fjetur në banesat e tyre.
Në nisje të kësaj séance pati edhe tensione mes disa deputetëve të Partisë Demokratike dhe forcave të policisë, të cilat fillimisht nuk i lejuan të futen në sallën e gjyqit. Edmond Spaho u shfaq i gjakosur teksa foli për mediat. “Do të përplasen me qytetarët, do të përplasen me ne. Forcat e policisë ushtruan dhunë. Me dhunë Edi Rama nuk do ta ketë të gjatë”, tha Sapho.

Exit mobile version