Votohet demarkacioni mes tymit dhe flakës në Kuvendin e Kosovës

Kuvendi i Kosovës ka arritur të ratifikojë marrëveshjen e demarkacionit me Malin e Zi me 80 vota pro, 11 kundër dhe asnjë abstenim.
Deputetët e Kuvendit i dhanë dritën e gjelbër kësaj marrëveshje. Kjo marrëveshje është votuar pas katër tentimeve për pengim që i bëri Vetëvendosje me hedhjen e gazit lotsjellës.
Si pasojë e këtyre veprimeve të deputetëve të VV-së, shumica nga ta u përjashtuan nga seanca.
Në momentin kur është votuar demarkacioni i pranishëm në seancë ka qenë vetëm deputeti i VV-së, Glauk Konjufca.
Në seancën e sotme, Kuvendi u përball për më shumë se tetë orë me gazin lotsjellës të hedhur nga deputetët e Vetëvendosjes.
Marrëveshja për Demarkacionin me Malin e Zi, e nënshkruar në Vjenë, në vitin 2015, kishte krijuar një situatë të tensionuar në Kuvend dhe jashtë saj gjatë kohës sa në krye ishte Isa Mustafa.

unnamed 1 1521654371 642496
Kuvendi u përball me gaz lotsjellës e ndodhi të ndryshme edhe në të kaluarën nga opozita.
Pamundësia për ta çuar tutje Marrëveshjen me Malin e Zi, kishin rezultuar në rrëzimin e qeverisë “Mustafa”.
Mocioni i nisur nga opozita atëkohë, u përkrah edhe nga partneri qeverisës i Mustafës, PDK-ja.