Ballina Sport Marco Asensio: “Ishte faji im”

Marco Asensio: “Ishte faji im”

Marco Asensio hodhi poshtë sugjerimet se trajneri i Real Madridit, Zinedine Zidane, ishte i padrejtë me të për lënien jashtë formacionit. Asensio e ka vendosur veten si një nga mesfushorët më premtues të Europës që nga bashkimi me Real Madridin nga Mallorca, në vitin 2014. Pas një përvoje mbresëlënëse huazimi me Espanyol, Asensio u bë i rregullt në skuadrën e Real Madridit gjatë sezonit të tij të parë, ndërsa këtë sezon jo dhe aq. 22-vjeçari ishte veçanërisht mbresëlënës në gjysmën e parë të sezonit aktual, teksa luajti si startues në 9 ndeshje të La Liga-s para Krishtlindjeve. Më pas, ai është shfaqur titullar më shumë në mënyrë sporadike. Dhe kur po flitej se trajneri Zidane ishte treguar pak i padrejtë me të, Asensio është i bindur se përgjegjësia për gjithçka është e tij. “Nuk është treguar i padrejtë trajneri me mua, tha Asensio për ‘El Larguero’. Për shkak të çështjeve, ai zgjodhi të tjerët. Ishte faji dhe përgjegjësia ime, kur mbeta jashtë formacionit. Dinamika e ekipit nuk ishte aq e mirë dhe nuk kisha kaq shumë minuta. Doja të bëja gjithçka në 10 minutat që kisha, por në ato momente duhet të jesh i fortë mendërisht. Tani, trajneri po më jep besim. Mendoj se në sulm dhe në mbrojtje jemi më kompaktë, por duhet të vazhdojmë kështu dhe ta mbajmë këtë ritëm”.

Exit mobile version