Ndarje e Kosovës? Vuçiç për mediat serbe: Rama është në krah të Serbisë

Më 29 Janar Rama udhëtoi në drejtim të Davosit në Zvicër ku zhvillohej aktiviteti i përvitshëm ekonomik dhe ku morën pjesë drejtues të lartë shtetesh. Në Davos ishte edhe kreu i qeverisë serbe, Vuçiç. Njoftimi i Tiranës zyrtare ka qenë mjaft i thatë dhe bënte fjalë vetëm për një takim ku është diskutuar për integrimin e rajonit në BE. Sipas njoftimit zyrtar të qeverisë, Samiti ekonomik i Davosit, përveç axhendës së referimeve për politikat globale që do të ndiqen, shfrytëzohet edhe për takime bilaterale mes drejtuesve të shteteve e qeverive që marrin pjesë në të. Kyeministri i Shqipërisë Edi Rama ka zhvilluar një takim me presidentin serb Aleksandër Vucic, me të cilin ka vijuar të ndajë qëndrimet e përbashkëta për integrimin e rajonit të Ballkanit në Bashkimin Europian. “Davos – Me Presidentin e Serbisë, Aleksandar Vuçiç, për bashkëpunimin bilateral e rajonal dhe ecurinë e dialogut mes Serbisë e Kosovës”, shkruan Rama në Facebook, duke shpërndarë edhe videon gjatë takimit me presidentin serb.
Rama pranon se ka diskutuar me Vuçiç për dialogun me Kosovën kokë më kokë dhe pa praninë e përfaqësuesve të Kosovës. Pyetja që shtrohet është se me çfarë mandati Rama diskuton me Vuçiç për dialogun me Kosovën? Autoritete zyrtare të Kosovës nuk kanë pasur asnjë njoftim në lidhje me këtë takim, ndërsa dje janë zbardhur nga mediat se Rama ka biseduar për mundësinë e ndarjes së Kosovës.

Në lidhje me të njëjtin takim, të premten e javës së kaluar Presidenti i Serbisë deklaroi për mediat serbe se “Shqipëria është në krah të Serbisë” për tregun e përbashkët në Ballkan dhe se nuk mund të flet më shumë për përkrahjen që mori nga Kryeministri i Shqipërisë gjatë takimit në Davos pasi që kjo “nuk do të ishte fer” ndaj Kryeninistrit të Shqipërisë. Duke marrë parasysh se ideja e Presidentit të Serbisë për krijimin e tregut të përbashkët në Ballkan nuk është vetëm ekonomike, kërkoj nga Kryeministri i Shqipërisë që t’ia shpjegojë opinionit publik se për cilat çështje “Shqipëria është në krah të Serbisë!?” Menjëherë pas këtij takimi kanë nisur të qarkullojnë edhe tezat për ndarje të Kopsovës dhe shkëmbim territoresh. Diplomatja Harxhi deklaroi se ka informacione diplomatike se në Davos, Rama ka diskutuar me Vuçiç për ndarjen e Kosovës. Deri tani Rama në asnjë rast nuk është deklaruar zyrtarisht kundër ndarjes së Kosovës, çka shton dyshimet për një lojë që bie në kundërshtim me interesat e Kosovës dhe është në të njëjtën linjë me Beogradin zyrtar.