Ferdinand pranon se nuk besonin fillimisht te De Gea

Ish-mbrojtësi i Manchester United, Rio Ferdinand, zbuloi se ai dhe shokët e tij dyshonin nëse David de Gea do të vazhdonte të bëhej një portier i klasit botëror, pas ardhjes së tij në “Old Trafford”, në vitin 2011. De Gea bëri një performancë të mrekullueshme në barazimin pa gola të Manchester United në fushën e Sevilla, në ndeshjen e parë të 1/8 finale të Ligës së Kampioneve. Ai e përforcoi më tej rastin e De Geas si portierin më të mirë në botë, mes spekulimeve të vazhdueshme të një lëvizjeje të mundshme te Real Madridi. Megjithatë, nuk ka qenë i gjithë “lundrimi” i qetë për spanjollin ndërkombëtar në “Old Trafford”. “Ne ishim duke folur më parë për të, kur erdhi së pari. Madje si lojtarë, ne ishim të ulur atje me dyshime, tha Ferdinand për “BT Sport”. Një fëmijë i ri po vinte i vetëm te Manchester United dhe neve na duhej të fitonim çdo vit. Si do ta bëjmë këtë me një fëmijë të ri, i cili ishte i papërvojë dhe dukej sikur i mungonte besimi? Por ju shikoni se ku është sot dhe kjo është një shenjë e dikujt që ka punuar shumë”, tha ai. De Gea dhe Manchester United rikthehen në veprim të dielën, kur të mirëpresin Chelsea e Antonio Conte në “Teatrin e Ëndrrave”. Skuadra e Jose Mourinhos do të mirëpresë Sevilla në “Old Trafford”, më 13 mars, për ndeshjen e dytë të 1/8 finale të Ligës së Kampionëve.