Valverde: Goli i Mesit mjaft i rëndësishëm

Ernesto Valverde beson se largimi i Barcelonës me një barazim 1-1 nga ndeshja e parë e 1/8 finale të Ligës së Kampionëve kundër Chelsea, nuk është një shenjë përfundimtare se të tijtë do të përparojnë në çerekfinale. Goli i Willian dukej i vendosur për t’i dhënë kampionit të Premier League një epërsi të ngushtë për pjesën e dytë të betejës në kthim. Por, Andres Iniesta hapi rrugën për Lionel Mesin, që të shënonte golin e tij të parë ndaj bluve të Londrës në 9 ndeshje dhe të barazonte gjithçka në “Stamford Bridge”. Ndërsa Valverde pranoi se goli i Mesit ishte një moment i madh në kontekstin e barazimit, ai nuk mendon se kjo do të thotë se Barça do të kalojë në raundin tjetër. “Barazimi ishte shumë i rëndësishëm, sidomos duke shënuar këtu, tha Valverde për një konferencë për shtyp pas ndeshjes. Chelsea mund të jetë i lumtur me rezultatin dhe duhet të respektojmë stilin e tij të lojës. Kundërshtari nuk bëri aq shumë kalime si ne, por kërkuan lojën e lartë dhe na e bënë të vështirë. Goli në fushën kundërshtare në të tilla ndeshje nuk është kualifikim definitiv, por mbetet mjaft i rëndësishëm.
Ishte një përplasje e stileve të ndryshme të lojës, u përpoqëm ta kontrollonim ndeshjen, patëm shumë posedim topi dhe u munduam të afroheshim me golin. Ne kishim një mungesë të kualitetit në fazën e tretë, sepse Chelsea mbrohej mirë.

Willian e goditi portën disa herë, ndërsa neve na mungonte shansi i qartë. Por kemi arritur të nxjerrim golin nga një gabim i tyre. Të barazosh këtu është një rezultat i mirë, në fund të fundit”. Valverde vendosi të largohej nga Ousmane Dembele si një zëvendësues i papërdorur, duke bërë vetëm dy nga tri ndryshimet e tij në formacion, por trajneri i Barcelonës e mbrojti përzgjedhjen e Paulinhos si një mesfushor të katërt. “Kur shkova për të zgjedhur ekipin, më duhej të mendoja për mënyrën më të mirë të mundshme për të luajtur, aq shumë sa duhet të zgjidhja Paulinhon titullar dhe të kisha Aleix Vidal si alternativë të tij, sqaroi Valverde. Unë e mora këtë vendim dhe respektoj mënyrën se si luajtëm. Paulinho kishte një shans në pjesën e parë, por e humbi”.