Conte mbron Christensen

Andreas Christensen i kushtoi Chelsea fitoren kundër Barcelonës, në Ligën e Kampioneve, të martën, por Antonio Conte përshëndeti “performancën e pabesueshme” të mbrojtësit. Pas një ekspozite mbrojtëse të pastër në “Stamford Bridge”, ku kampionët e Premier League udhëhoqën me golin e Willian, Christensen bëri një gabim, kur kishin mbetur edhe 15 minuta për t’u luajtur. Kapiteni i Barcelonës, Andres Iniesta, më pas ngriti Lionel Messin për të mposhtur Thibaut Courtois. Katalanasit shënuan një gol vendimtar, për ta pritur më të qetë ndeshjen e kthimit më 14 mars. Conte la kapitenin Gary Cahill në stol, por italiani tha se nuk u pendua për përzgjedhjen e Christensen në zemër të një mbrojtjeje me tre. Danezi ndërkombëtar ishte i rrethuar nga Antonio Rudiger dhe Cesar Azpilicueta. “Ishte një shfaqje e shkëlqyer, një performancë e pabesueshme, tha Conte në një konferencë shtypi, pas ndeshjes. Ai është vetëm 21 vjeç dhe luan shkëlqyeshëm. Ishte një nga lojtarët më të mirë, luajti një ndeshje të nivelit të lartë dhe unë jam shumë i kënaqur për performancën e tij. Barcelona kishte një shans në pjesën e parë me Paulinhon dhe pastaj, në pjesën e dytë, me Luis Luis Suarez. Mendoj se kemi luajtur një lojë vërtet të mirë dhe duhet të jem i kënaqur, sepse lojtarët e mi bënë një përpjekje të madhe. Ata ndoqën planin, programin që ne kishim përgatitur.

Barcelona tregoi se është një ekip shumë i fortë, një ekip fantastik. Rezultati nuk na favorizon, por mendoj se mund të bëjmë diçka të pabesueshme në “Camp Nou”. Conte nuk e bëri ndryshimin e tij të parë deri në minutën e 83-të. Alvaro Morata zëvendësoi Pedron, me Danny Drinkwater, pastaj, duke ardhur për ish-mesfushorin e Barçës, Fabregas. Por Conte, i cili nuk e ka përdorur zëvendësimin e tij të tretë, me Olivier Giroud në mesin e lojtarëve të mbetur në stol, përsëriti se “vendosi një sulm me tre: Willian, Pedro dhe Eden Hazard. Pa gabimin tonë, Barça po luftonte për të krijuar një shans për të shënuar, vijoi Conte. Ne u përpoqëm të shfrytëzonim situatën, mos harroni që e goditëm shtyllën e portës kundërshtare dy herë. Pra, ishim edhe të pafat. Tre sulmuesit tanë luajtën shumë mirë, bënë një ndeshje fantastike”.