Rita Ora: Sa më të bashkuar që jemi, aq më të mëdhenj bëhemi, këngëtarja merr dhuratën e veçantë nga Haradinaj

Këngëtarja me famë botërore, Rita Ora ka uruar për përvjetorin e dhjetë të Pavarësisë së Kosovës derisa ka dhënë mesazh se “sa më të bashkuar që jemi, aq më të mëdhenj bëhemi”.Krijuesja e shumë hiteve botërore ka thënë se koncerti i saj do të fillojë në orën 22:00 ndërsa koncerti është bërë ashtu siç ka kërkuar ekipi i saj.
“Fillimisht urime pavarësia. Jam e lumtur që jam këtu. Kam vendosur që ta sjell gjithë ekipin në Prishtinë sepse do të bëjmë njërin prej koncerteve më të mira ndonjëherë. Jam shumë e lumtur që jam këtu. E di se jemi vend i vogël, por është i bukur. Është vetëm fillimi i një udhëtimi të mrekullueshëm”, ka thënë Rita Ora në konferencën për media.
“Po të kisha një mesazh, do të ishte: e keni një shans për ta prezantuar veten dhe të njiheni. Të jeni së bashku dhe të ftoni njerëzit. Sepse sa më shumë që jemi, më të mëdhenj bëhemi”, ka shtuar ajo. “Bëni çfarë të mundeni dhe qëndroni bashkë për ta prezantuar Kosovën”.

Rita Ora pranon hartën e artë të Kosovës nga Haradinaj
Kryeministri i Kosovës, Ramush Haradinaj i ka dhuruar hartën e artë të Kosovës, këngëtares së famshme Rita Ora, pas takimit që kanë pasur në objektin e qeverisë së Kosovës.
Në takimin zyrtar në të cilin ishin familjet Haradinaj dhe Ora, kryeministri ka falënderuar këngëtaren për koncertin që do ta mbajë ajo në Prishtinë për dhjetëvjetorin e Pavarësisë së Kosovë
Ushqimi, fli dhe pite
Pak minuta pasi ka arritur në Prishtinë, këngëtarja shqiptare me famë botërore, Rita Ora ka treguar se i kanë munguar fliat dhe pitet.Përveç se tregon vendin ku do të performojë, ajo në disa video në Instagram ka shfaqur edhe ushqimet tradicionale shqiptare.