Ballina Aktualitet Sërish drogë nga Shqipëria në Itali, sekuestrohen 217 kg kanabis në Leçe

Sërish drogë nga Shqipëria në Itali, sekuestrohen 217 kg kanabis në Leçe

Policia italiane sekuestroi dje 217 kg kanabis dhe vuri në pranga dy shqiptarë. Guardia di Finanza e Pulias sekuestroi 217 kg kanabis dhe bëri të mundur arrestimin e shtetasve me iniciale B. K. 37 vjeç dhe A.D. 26 vjeç, të cilët ishin në përgatitje të trafikimit të lëndës narkotike në zonën e Leçes, Itali. Janë në vijim veprimtaritë policore dhe hetimore për kapjen e bashkëpunëtorëve të tjerë të tyre.
Po ashtu, një sasi tjetër droge është sekuestruar nga policia italiane. Mënyra se si e transportonin drogën ishte e njëjtë: E fshehu në thasë të zinj që përdoren zakonisht për grumbullimin e plehrave. Vlash Isufaj, 37 vjeç dhe nigeriani Lucky Okonoboh, 33 vjeç, u arrestuan pasditen e djeshme. Shqiptari u ndoq nga karabinierët deri në afërsinë e Spitalit në Livorno. Aty, ai zbret nga makina dhe futet në një apartament ku jetonte nigeriani. Policia teksa ndërhyri në banesë, i gjeti të dy duke ndarë drogën, ekzaktësisht 6.2 kg marijuanë dhe i arrestoi.
Më herët gjatë kësaj jave, u arrestuan edhe dy shqiptarë të tjerë, pjesë të së njëjtës bandë, Mariglen Sheraj e Andi Hoxhaj, raportojnë mediat lokale.

Exit mobile version