Ballina Aktualitet Droga shitet në shkollat e Tiranës, 4 të rinj në pranga

Droga shitet në shkollat e Tiranës, 4 të rinj në pranga

Katër të rinj janë arrestuar nga policia, pasi akuzohen se shisnin drogë pranë shkollave të mesme në Tiranë. Në bashkëpunim edhe me shërbimet e Forcës së Posaçme “Shigjetat” 4 personat u arrestuan në rrugën “Gjergj Legisi”, në afërsi të një shkolle të mesme. Spartak Përpalaj, 21 vjeç, banues në Tiranë, i dënuar më parë për veprën penale “Vjedhja”, Frans Meta, 19 vjeç, banues në Tiranë, Olsijan Kurtaj, 20 vjeç, banues në Tiranë, B.H., 17 vjeç, banues në Tiranë.
“Në bazë të informacioneve të marra në rrugë operative nga Seksioni për Hetimin e Narkotikëve në Drejtorinë Vendore të Policisë Tiranë, në drejtim të goditjes së veprimtarisë së kundraligjshme në fushën e narkotikëve, ka rezultuar se shtetasit Spartak Përpalaj, Frans Meta, Olsijan Kurtaj dhe B.H.,në bashkëpunim me njëri-tjetrin, kryenin aktivitetin e kundraligjshëm të shitjes së lëndëve narkotike të dyshuar të llojit “Cannabis Sativa” pranë shkollave të mesme në qytetin e Tiranës”, sqaron policia.
Në momentin e ndalimit nga ana e Policisë këta shtetas kanë hedhur në tokë tre qese farmaceutike me 11,2 gramë me bimë të dyshuar narkotike të llojit kanabis sativa, të ndarë në porcione dhe gati për shitje, të cilat janë sekuestruar në cilësinë e provës materiale.

Exit mobile version