Ballina Politikë Ruçi provokon opozitën, i heq të drejtën e fjalës

Ruçi provokon opozitën, i heq të drejtën e fjalës

Kryetari i Parlamentit, Gramoz Ruçi provokoi opozitën dje teksa i mohoi asaj të drejtën e fjalës në nisjen e sesionit të ri parlamentar. Kryetari i Grupit parlamentar të Partisë Demokratike nuk ka mundur të flasë gjatë seancës. Ndërsa kërkoi fjalën, ai është ndërprerë në mënyrë arrogante nga kreu i Kuvendit, Gramoz Ruçi, i cili nuk e lejoi të fliste. Spaho kërkoi fjalën për të shpalosur kërkesën e deputetëve për të ndërmarrë ndryshimet kushtetuese. Kaq është dashur që deputetët e opozitës të ngrihen të gjithë në këmbë. Ndërsa Ruçi urdhëroi ndërprerjen e seancës për pesë minuta. Pak pasi Ruçi i refuzoi opozitës nismën për ndryshimin e Kushtetutës, opozita ka braktisur sallën e Kuvendit. Spaho i kërkoi Ruçit që të lajmëronte Kuvendin për nismën, por një gjë e tillë nuk ndodhi. 55 deputetë depozituan nismën për të ndryshuar Kushtetutën në pjesën e ligjit për Prokurorinë. Këtë çështje e shtroi kreu i Grupit të PD-së, Edmond Spaho si dhe kryetari Lulzim Basha. Por ajo u refuzua nga mazhoranca me pretendimin se ishte paraqitur me vonesë. Pas këtij momenti, deputetët e opozitës kanë dalë nga salla. Pak minuta më vonë, kryetari Gramoz Ruçi e ka mbyllur seancën.

Exit mobile version