Shpërthim tritoli në Krujë, hidhet në erë makina e policit

Rikthehen shpërthimet me tritol në Krujë. Pre e sulmit me tritol ka rënë një polic i rrugores. Bëhet fjalë për Agron Vogën, 60 vjeç nga Fushë-Kruja, i cili është punonjës i Policisë Rrugore në Tiranë. Policia tha se, rreth orës 23:45, salla operative është njoftuar se në fshatin Halil, Fushë-Krujë është djegur automjeti tip “Audi 80”, në pronësi të shtetasit K.V. 60 vjeç”. Përveç makinës së djegur në oborrin e shtëpisë së 60-vjeçarit janë gjetur edhe dy granata dore. Ende nuk dihet se kush janë autorët e këtij sulmi ndaj policit. Nuk ka të lënduar nga ngjarja, por veç dëme të mëdha materiale.
Një sasi eksplozivi është vënë në shtëpinë e shtetasit Agron Voga në fshatin Halil të Krujës. Ngjarja ka ndodhur mesnatën e të premtes. Nga shpërthimi për fat të mirë nuk ka të lënduar. Është dëmtuar vetëm makina e Vogës, i cili mësohet se është polic rrugor në Tiranë.
Ai e ushtron këtë detyrë prej 13 vitesh. Dyshohet se ngjarja të lidhet me detyrën e Agron Vogës, por po hetohen edhe pista të tjera. Policia vijon hetimet për identifikimin dhe kapjen e autorëve.