Thirrja e Berishës për përmbysje

Sali BERISHA

100 ditët e rekordeve më të zeza të Edi Ramës!
Të dashur miq, Noriega me narko-qeverinë e tij sapo kaloi 100 ditët e mandatit të tyre të grabitur!
Këto 100 ditë ishin dhe ditët e rekordeve më të zeza, më dramatike në historinë e pluralizmit shqiptar. Ato do mbeten të gdhendura me zift të zi në muret e kohës, si ditët e:
1- Aferës Tahiri-Habilaj, në të cilën Antimafia italiane faktoi me regjistrimet e saj se ministri i Brendshëm i narko-shtetit shqiptar ishte anëtar kryesor i bandës famoze të trafikut të drogës Habilaj dhe se;
2- Edivini, pas kërcënimit publik të Saimir Trafikut, bllokoi drejtësinë dhe nuk lejoi arrestimin e tij, duke dëshmuar se ishte skllav i dosjeve të veta si ajo e Xibrakës dhe faktoi se në Shqipëri ishte vendosur në mënyrë përfundimtare Narko-shteti.
3- Po lidhur me aferën Tahiri – Habilaj u arrestua në Elbasan Orest Sota, duke transportuar Tahirin dhe miliona euro të këtij të fundit.
3- Rama përsëri fshehu praninë e Tahirit në makinën e Sotës.
4- Operacioni “Forca e Ligjit” u faktua si operacioni “Forca e Krimit!”,
Qytetet si Elbasani, Shkodra, Vlora, Durrësi etj., janë tërësisht në duart e bandave të mafies qeveritare, të cilat bëjnë ligjin, vrasin dhe presin ditën për diell.
5- Këto 100 ditë Noriega i shpalli luftë opozitës dhe acaroi klimën politike si kurrë më parë në historinë e pluralizmit.
6- Këto 100 ditë neo-bllokmeni Edvin Kristaq Rama realizoi më së fundi ëndrrën e tij, që të bëhej në mënyrë antikushtetuese kryeprokuror i vendit dhe, me shpejtësi të rrufeshme nxori Orest Sotën nga burgu e i ktheu pasaportën Tahirit si dhe mbylli me shpejtësi dosjen e vet dhe të vëlla Olsit, dosjen e Xibrakës pra, dosjen e Tahirit, Gjushit dhe të gjitha dosjet e ministrave të tij.
7- Asnjë investim publik apo privat vendas apo i huaj nuk u bë këto 100 ditë në Shqipëri!
8- Kulla 24 katëshe Kristaq Rama përzuri nga Shqipëria Sheratonin, emrin më prestigjioz të hotelerisë dhe turizmit që ekzistonte në Shqipëri!
9- Këto 100 ditë Shqipëria ka prodhuar pas Koresë së Veriut më shumë lajme negative se sa çdo vend tjetër në botë.
Për herë të parë në histori mediat e huaja janë hapur me tituj si:
“Shqipëria vendi i kanibalizuar nga Kanabis”
“Shqipëria vendi i Narkoshtetit në Europë”
“Shqipëria kanabistan”
“Kolumbi në zemër të Europës” etj, etj.
10- Këto 100 ditë shqiptarët zunë vendin e parë në botë për kërkesat për azil në Francë duke lënë mbrapa shumë vendet në konflikt si Siria, Afganistani, Sudani etj.
Sot sipas studimeve të pakundërshtueshme në mbarë vendin ulurijnë sirenat e urisë dhe mjerimit. Në kryeqendrën e vendit Tiranë, 10% e fëmijëve hanë vetëm një vakt në ditë, 30% e familjeve nuk sigurojnë dot bukën e fëmijëve.
11- Këto 100 ditë Edvin Kristaq Rama bëri realitet premtimin e tij se në raste të fitores së Donald Trump, të cilin ai me urdhër të Soros e quajti “turp i qytetërimit”, ai do të prishtë marrëdhëniet e Shqipërisë me SHBA. Në përputhje me këtë premtim, ai, në kundërshtim flagrant me interesin kombëtar urdhëroi përfaqësuesen tonë në OKB të votojë rezolutën për dënimin e vendimit sovran të Presidentit dhe Kongresit të SHBA për njohjen e Jeruzalemit ashtu siç është de facto Kryeqytet i Izraelit.
Neo-bllokmeni Edvin Kristaq Rama me këtë akt të pabesë antikombëtar, antiamerikan, plagosi marrëdhëniet me partenerin tonë strategjik më kryesor SHBA, vend i cili në vitet 20 të shekullit të kaluar shpëtoi Shqipërinë nga coptimi dhe zhdukja përfundimtare e saj si shtet, dhe në vitin 1999 çliroi Kosovën, vendin me 95% mysliman shqiptar, nga pushtimi shekullor serb!
Të dashur miq, këto 100 ditë janë 100 thirrje për çdo shqiptar që të ngrihemi dhe të përmbysim sa më parë regjimin e narko-shtetit të Noriegës së Shqipërisë! Sb.