Vlorë, adoleshenti i fut thikën 23-vjeçarit

Një sherr që ka nisur me fjalë në lokal ka përfunduar në përdorimin e thikës në zonën e “Ujit të Ftohtë” në Vlorë. Policia tha se është arrestuar për ngjarjen, 17-vjeçari me iniciale S.S, i cili ka plagosur me thikë një 23-vjeçar. “Ky shtetas ka debatuar dhe është konfrontuar për motive të dobëta me shtetasin D.Sh., 23 vjeç, e ka goditur këtë të fundit tre herë me thikë, duke e lënë të plagosur. Shtetasi D.Sh., ka marrë mjekimin e nevojshëm në Spitalin Rajonal Vlorë, dhe ndodhet jashtë rrezikut për jetën”, bëri të ditur policia, por pa dhënë detaje për motivin e sherrit mes të rinjve.