Ballina Politikë Procedura për kapjen politike të Kryeprokurorit hedh në erë Drejtësinë

Procedura për kapjen politike të Kryeprokurorit hedh në erë Drejtësinë

Ulsi Manja, duke folur gjate nje mbledhje te Komisionit per Ceshtjet Ligjore, Administraten Publike dhe te Drejtat e Njeriut, ku eshte thirrur per te raportuar ministrija e Drejtesise, Etilda Gjonaj. Kjo mbledhje u bojkotua nga deputetet e PD./r/n/r/nUlsi Manja, speaks during a meeting of the Committee on Legal Affairs, Public Administration and Human Rights.

Shumica në Komisionin e Ligjeve ka miratuar vetëm me votat e saj një projektvendim, të cilin e lexoi deputeti Bledi Çuçi, për të nisur procedurat për zgjedhjen e një Prokurori të Përkohshëm të Përgjithshëm, duke qenë se sot i ka përfunduar mandati Adriatik Lallës.
Pas rreth 3 orësh mbledhje dhe debate të shumta, deputetët e PD-së dhe LSI-së u larguan nga mbledhja, duke akuzuar shumicën se po zgjedh një Prokuror të Përkohshëm për të kapur këtë institucion dhe për të rregulluar disa dosje korrupsioni të eksponentëve të saj politik.
Sipas Manjës, në rastin konkret kemi ngërçin ligjor të mos pasjes së Këshillit të Lartë të Prokurorisë, prandaj sipas ligjit dhe procedurave ligjore, i lind e drejta Kuvendit të caktojë një Kryeprokuror të përkohshëm brenda 30-ditëve.
Deputeti Socialist, Çuçi tha se ky nuk është as emërim, por një zgjedhje e përkohshme sa të plotësohen të gjitha kushtet për të emëruar më pas Prokurorin e Përgjithshëm, duke garantuar proçesin ligjor”, tha Çuçi.
Deputeti i Partisë Demokratike, Eduard Halimi në fjalën e tij u shpreh se, “PS po shpik prokurorin e përkohshëm. Ne se kishim menduar këtë, kur nisëm të bënim Reformën në Drejtësi. Ka një çështje për të cilën unë, ju anëtarët e Komisionit të Reformës në Drejtësi dhe pika e prokurorit ka qenë dhe pika mbi të cilën jemi përplasur edhe në Venezia. Jemi përplasur dy herë në Komisionin e Venezias për këtë. Ne 140 deputetët miratuam në korrik të 2016. Kryeprokurori nuk do emërohet në Kuvend nga partitë politike, por nga vetë prokurorët. Këtë votuam me 140 vota dhe duhen 84 vota për ta zgjedhur ”, tha Halimi, ish-ministër i Drejtësisë, deputet i PD. “Çdo përpjekje për ta emëruar kryeprokurorin me 83 vota e poshtë është dështim i drejtësisë. Deputeti i PD, Enkelejd Alibeaj u shpall dhe relator i çështjes nga PD”.
Deputeti i PS, Bledi Çuçi u shpreh se, PS nuk ka tentativë për të shpikur procedura për ta kapur Kryeprokurorin e Përgjithshëm. “Duhet të keni parasysh që Prokurori i Përgjithshëm nuk merret më me krimet e rënda, për këtë është Gjykata e Krimeve të Rënda, prandaj aludime të PD nuk qendrojnë”, tha Çuçi.
Deputeti i Partisë Demokratike, Enkelejd Albiaj, në fjalën e tij tha se, “Është fakt se ju po nisni procedurën për të kapur kreun e organit të akuzës dhe kjo kuptohet nga buron, pavarësisht se çfarë roli ka Kryeprokurori. Frymëzimi juaj për këtë janë dosjet që ka në dorë Prokuroria dhe jo hallet apo mospëlqimet që mund të keni me vetë Adriatik Llallën. Mes jush e nesh është e lehtë të ngrejmë armët e të luftojmë në një betejë dhe pa arsye për të mbrojtur një individ apo kundër këtij individi, qoftë ky Adriatik Llalla. Kam një ftesë për t’i thirrur arsyes e për t’i qenë besnik Kushtetutës, të iniciuar prej jush dhe votuar prej nesh”, tha Alibeaj.
“Ftesa është dhe politike, pasi nëse hidhni këtë hap të gabuar politik, do të potencioni konfliktin politik të vendit, do ta acaroni klimën politike të këtij vendi, kur nuk ka arsye për ta bërë këtë gjë. Ky hap sot do ishte kapja e sistemit të drejtësisë”, tha Alibeaj.

 

Exit mobile version