Shpërthen Hazard

Eden Hazard mendon se Manchester City dhe Manchester United kanë fituar më shumë këtë sezon, por ai shtoi se Chelsea nuk ka hequr dorë nga fitorja e Premier League. Barazimi 3-3 i Chelsea kundër Romës në Ligën e Kampionëve e bëri atë tri ndeshje pa fitore, por Hazard mendon se triumfi, pasi kishin një epërsi 2-0. “Blues” kishin humbur me Manchester City dhe Crystal Palace, përpara ndeshjes së të mërkurës mbrëma, por Hazard mendon se skuadra e tij nuk dorëzohet kollaj: “Nuk pajtohem me atë se titulli është zhdukur. Unë mendoj që ndryshimi është se Manchester City dhe Manchester United janë më të fortë se vitin e kaluar, por edhe ne jemi të gatshëm. E dimë se Premier League është e gjatë, kështu që do të duhet kohë për t’u kthyer. Ndaj Romës duhet ta kishim fituar ndeshjen, sepse kemi pasur avantazhin 2-0 për gjysmë ore, por të paktën kemi barazimin, që nuk është një rezultat i keq.
Do të bëjmë më mirë kundër Romës në Itali, herën tjetër. Është vetëm një barazim, nuk jemi aq të lumtur, por jemi gjithashtu të gëzuar që nuk kemi pranuar humbjen e tretë rresht. Unë mendoj se kemi shumë lojtarë, të gjithë mund të luajnë. Ndonjëherë është e rëndësishme të pushoni dhe të jeni në stol, ndërkohë që për mua, si person, thjesht dua të luaj. Kam humbur tre muaj të futbollit dhe dua të jem në fushë, por trajneri i merr vendimet e tij, kështu që ne jemi të kënaqur me këtë. Ne duhet t’i përshtatemi situatës, të japim gjithçka, por mendoj se jemi në të njëjtin nivel me sezonin e kaluar. Sezonin e kaluar kishim një javë të tërë për të qenë gati, kështu që është pak më ndryshe, por shpresojmë që të përshtatemi shpejt”.
Kevin De Bruyne beson se, gara e Premier League është tashmë midis Manchester City dhe Manchester United, por paralajmëroi se gjërat mund të ndryshonin shpejt. De Bruyne dhe City kanë bërë një fillim të shkëlqyeshëm të kampionatit, duke fituar shtatë dhe barazuar një nga tetë ndeshjet e para, duke qenë dy pikë të qarta në krye. Manchester United dhe Jose Mourinho janë e vetmja skuadër e pamposhtur, duke mbajtur distancën prej tri pikësh nga Tottenhami i vendit të tretë. De Bruyne thotë se u shfaq beteja titullare për titull midis City dhe United, që tani. “Për momentin unë mendoj kështu, por gjithkush është ende atje, duke luajtur dhe duke shpresuar, tha ndërkombëtari i Belgjikës për “ESPN FC”. Është kaq herët, sa, nëse humbisni dy, ose tri ndeshje, ju ktheheni në një pozitë më të ulët. Ne duhet ta mbajmë këtë ritëm”, tha ai.