Sampdoria në një nivel me Inter

Luciano Spalletti insiston se Sampdoria është në një nivel me Inter në prag të ndeshjes së radhës së Serisë A midis dy skuadrave të martën në “San Siro”. Samp ka mundur 5-0 Crotone-n gjatë fundjavës, duke shkuar vetëm gjashtë pikë larg Inter që barazoi me Napolin, duke bërë që Spalletti të paralajmërojë lojtarët e tij. “Nuk duhet humbim fokusin”, e nis trajneri zikaltër konferencën për shtyp.
“Napoli? Gjëja që më pëlqeu më shumë ishte se u munduam të luanim, por isha me siklet të madh kur zbrisnim shumë poshtë në zonën tonë, pasi është shumë e rrezikshme. “Kur luan ndaj skuadrave me atë lloj entuziazmi, trajneri dhe forme, është gjithmonë e vështirë. Sampdoria është e ndërtuar mirë. Giampaolo është një trajner që përmirëson skuadrat që trajnon. Duhet të jemi mirë nga minuta e parë e deri tek e fundit. Nuk kemi frikë nga askush, duam të krijojmë një ambient, ku mund të japim gjithmonë diçka më shumë për të ecur përpara”, tha Spaleti.
“Rotacion? Nuk e di, duhet të shoh gjendjen e lojtarëve. Kam parë disa lojtarë të lodhur, por duhet të presim, pasi kanë edhe një ditë kohë të rikuperohen. “Për formacionin do të vendosim nesër. Sampdoria është një skuadër e fortë që luan futboll të bukur. Sampdoria është në të njëjtin nivel me ne, dhe e përfunduan sezonin e kaluar sipër nesh”, tha ai.