Habilaj, byzylykë 9 mijë euro nënës dhe gruas së Tahirit

Në disa përgjime të tjera të Habilajt nga Prokuroria italiane, njëri prej të përgjuarve thotë se, i ka blerë një byzylyk gruas së Saimirit dhe një nënës së tij nga 4.500 euro secili. “Moisiu futet në makinë dhe i tregon Sabit se kishte marrë dy byzylykë, njërin për nusen e Saimirit dhe tjetrin për nënën e tij. Sabi e pyet nëse kishin kushtuar shumë, ai thotë nga 4.500 euro. Moisi Habilaj thotë në përgjime se Tahiri nuk ka më shumë lekë se ata. Ai përllogarit se, në një muaj Tahiri, ka bërë rreth 5 milionë euro. Ndërsa Sabi thotë se, ato para shkojnë për fushatë elektorale për të cilën, në fakt sipas tyre, Tahirit i duhen 20 milionë euro.
Tahiri u vu në qendër të akuzave në vitin 2015, pas dëshmive të shefit të Policisë Kufitare të Vlorës, Dritan Zagani, i cili e akuzoi publikisht si bashkëpunëtor me krimin e organizuar lokal të përfshirë në eksportin e marijuanës në Ballkan.
Sipas pohimeve të ish-shefit të Antidrogës, më pas i detyruar të kërkonte strehim në Zvicër për shkak se kërkohej nga policia shqiptare që dyshonte se ai kishte njoftuar autoritetet italiane-kushërinjtë e ministrit kishin transportuar drogë, duke shfrytëzuar edhe makinën private të ministrit. Një “Audi” A8 është vënë re shpesh herë, duke kaluar kufirin grek, por edhe të vendeve të tjera. Nga ana e tij, personi i akuzuar, ministri Tahiri, ka përgënjeshtruar gjithmonë duke shpjeguar se në vitin 2013, ai ua kishte shitur makinën kushërinjve, por në të zezë.