Biznesmeni i grabitur sfidon policinë: Shpërblim për atë që na tregon hajdutët

Familja e biznesmenit Ylli Salla, banesa e të cilit u grabit dje në mëngjes, nuk ka besim tek policia, ndaj ka nisur vetë hetimet për gjetjen e autorëve. Vajza e biznesmenit ka vënë në dispozicion një shumë të konsiderueshme parash për të gjithë ata që japin informacion për identifikimin e autorëve si dy numra telefoni celular për të dhënë informacione rreth identitetit të autorëve.
Vajza e biznesmenit: Unë Suzana Salla, e bija e biznesmenit Y. Salla, në emër të familjes sime deklaroj se vëmë në dispozicion të personave që kontribuojnë për identifikimin e autorëve dhe zbardhjen e menjëhershme të vjedhjes së banesës së familjes sonë një shumë të konsiderueshme parash.
Ky shpërblim vlen për çdo informacion që mund të na jepni në numrat e celularit 0692083170 dhe 0696012332 dhe kushdo që ka parë vjedhësit duke qarkulluar mëngjesin e sotëm me makinat me targa AA 393 PV dhe HP 565 J”.
Dy persona kanë grabitur mëngjesin e sotëm banesën e biznesmenit në fshatin Mengel, duke marrë prej andej dy makina si dhe një shumë të konsiderueshme parash.
Paraprakisht dyshohet se grabitja ka qenë e mirëorganizuar, pasi familjarët pavarësisht se ishin në banesë, nuk kanë kuptuar asgjë dhe vetëm në mëngjes kanë konstatuar mungesën e makinave dhe kasafortës me një shumë të konsiderueshme parash.
Burimet thonë se në kohën e ngjarjes në banesë kanë qenë të pranishëm anëtarët e familjes, por askush nuk ka dëgjuar asgjë.
Ata denoncuan grabitjen në Policinë e Elbasanit, e cila thekson se po punon për zbulimin dhe arrestimin e autorëve. Biznesmeni Ylli Salla është dhunuar barbarisht në fillim të këtij viti.
Banesa e një biznesmeni të njohur në Qarkun e Elbasanit, Ylli Salla është grabitur në orët e para të mëngjesit të djeshëm. Nga të dhënat e para dyshohet se, grabitja ka qenë e mirëorganizuar, pasi autorët të cilët mësohet se kanë arritur të marrin dy makina dhe një kasafortë, ku sipas burimeve ndodhej një shumë e konsiderueshme parash. Burimet thonë se, në kohën e ngjarjes në banesë kanë qenë të pranishëm anëtarët e familjes, por askush nuk ka dëgjuar asgjë.
Orë më vonë, pasi kanë evidentuar ngjarjen, anëtarët e familjes Salla kanë njoftuar policinë, e cila nga ana e saj thekson se po punon për zbulimin dhe arrestimin e autorëve. Ndërkohë, rezulton se biznesmeni është dhunuar barbarisht në fillim të këtij viti.