Rama urdhëron mediat për të sulmuar prokurorët e çështjes Tahiri

Njerëzit në qeveri që merren me shpërndarjen e lajmeve në media dhe portale kanë nisur sulmin ndaj tri prokurorëve që ndjekin çështjen e deputetit Saimir Tahiri. Në kohën kur Gramoz Ruçi lejoi me vetëdije shkeljen e rregullores së Këshillit, duke i lejuar Tahirit t’i bëjë pyetje prokurorëve, në disa portale pranë qeverisë u përhap lajmi “copy-paste” për tre përfaqësuesit e organit të akuzës. Në lajmin e dalë nga zyrat e qeverisë, aludohet se prokurorët janë të gjithë nga Tropoja dhe kushërinj të Shkëlzen Berishës. Një strategji e tillë ka nisur që mbrëmjen e së enjtes, në emisionin “Opinion”, kur Tahiri u përpoq të bënte pjesë të skandalit të tij, djalin e ish-kryeministrit.