Rama dërgon të besuarin e tij në Itali për të prishur provat

Ish-kryeministri Berisha u shpreh dje se, Edi Rama ka dërguar drejt Italisë Sekretarin e Përgjithshëm të Kryeministrisë, Engjëll Agaçi për të prishur provat që e implikojnë në çështjen Tahiri.
“Noriega nis me urgjencë në Itali Sekretarin e Përgjithshëm të mafies shtetërore, Don Agaçion për negociata për të shpëtuar lëkurën e tij!”, shkruan Berisha.
Po ashtu në një reagim tjetër, ish-Kryeministri Berisha shkruan se, Noriega urdhëron deputetët mafiozë të tij të mbrojnë Saje qorrin dhe të hedhin poshtë me vota kërkesën e Prokurorisë!
“Të dashur miq, pas kërcënimeve të banditit Saje qorri ndaj Ramës, me dosjen e Xibrakës për vëlla Olsin, që e kanë dhe shërbimet partnere, dhe aferave të tjera të tij dhe kërcënimeve të Fatmir Xhafës me dosjen e Agron Xhafës, e cila nxinë kokë e këmbë Fatmirin, Noriega në panik vendosi mbrojtjen me çdo çmim të Saje qorrit, në fakt të vehtes së tij dhe vëllaçko Olsit, Xhafës dhe Agronit të tij, pasi dosjet e tyre në shërbimet partnere janë shumë më të rënda se sa dosja e Saje qorrit!
Deputetët e mazhorancës së krimit janë urdhëruar të mbrojnë krimin dhe të kryejnë krimin e rëndë antikushtetues të bllokimit të drejtësisë!”, shkruan Berisha.