Ballina Aktualitet Mbërrijnë nga Italia 2 dosje me prova të tjera për Tahirin

Mbërrijnë nga Italia 2 dosje me prova të tjera për Tahirin

Prokuroria italiane ka sjellë mbrëmjen e djeshme edhe dy dosje me rreth 400 faqe, të mbushura me fashikujt, prova dhe fakte për çështjen për të cilën Prokuroria për Krimet e Rënda kërkon nga Kuvendi i Shqipërisë heqjen e imunitetit dhe më pas arrestimin e Saimir Tahirit për dy akuza.
Burime nga institucioni i akuzës, kanë bërë të ditur mbrëmjen e djeshme se nga Prokuroria e Katanias kanë ardhur disa fashikuj të tjerë me prova dhe fakte për ‘dosjen Habilaj’, në të cilën është i përfshirë në hetime edhe ish-ministri i Brendshëm, Saimir Tahiri.
Dosjet kanë mbërritur në ambientet e Prokurorisë së Krimeve të Rënda nga Italia, pas letër-porosive që ka dërguar në Katania, Prokuroria e Përgjithshme.
Burimet thanë se bëhet fjalë për fashikuj të tjerë të çështjes në fjalë, pasi një pjesë janë administruar deri më tani. Dosjet e mbërritura mbrëmjen e djeshme janë dokumente të tjera për çështjen në fjalë.

Exit mobile version