PD bëhet gati…

Çfarë do të ndodhë në orët në vazhdim? Nuk është e lehtë për t’u parashikuar vetëm se organizata kriminale nuk do të largohet me vullnet të lirë dhe pa rezistencë, ndaj PD po bëhet gati për çdo të papritur. Çdo pengesë apo bllokim i Ramës ndaj drejtësisë për Tahirin dhe bandën e tij do të ketë pasoja të rënda për Ramën dhe kjo i është bërë e qartë.
Kryetari i Partisë Demokratike Lulzim Basha ka thirrur në një takim krerët e degëve lokale të PD-së në të gjithë vendin. Takimi do të zhvillohet në orën 18:00 në selinë blu, ndërsa mësohet se në qendër të tij është pikërisht diskutimi për përshkallëzimin e aksionit opozitar.
Takimi vjen vetëm një ditë pas mbledhjes së tryezës së partive opozitare, por edhe në një moment të ndezur politik pas publikimit të dosjes “Habilaj” ku në bisedat mes trafikantëve përmendet edhe emri i ish-ministrit të Brendshëm Saimir Tahiri.