Gazetari Hoxha në lojën e Tahirit dhe avokat i krimit, po keqpërdoret nga Rama

Gazetari Hoxha që shtëtit nga një studio lajmesh në studion tjetër për të dhënë lajmet mbi atë çfarë ndodh me krimin ka një problem ditët e fundit. Miku i tij Saje Qorri prej të cilit përtyp një pjesë të informacioneve të krimit është në vështirësi dhe ai ka vendosur që ta ndihmojë.
Hoxha në çdo studio që del mundohet të relativizojë peshën e skandalit më të madh në historinë e shtetit shqiptar atë të kapjes së qeverisë nga mafia. “Ja sot doli ky skandal ku përmendet Tahiri, nesër do të harrohet”, thotë gazetari që i shërben Tahirit në çdo dalje të tij.
Sipas tij, nuk mund të flitet për një kosto të qeverisë në këtë aferë të krimit, sepse Tahiri nuk është ministër tani, por deputet. Gazetari bëhet edhe qesharak në këtë avokati të djallit, sepse koha kur ka ndodhur skandali është ajo kur Rama dhe Tahiri kanë qenë bashkë në qeveri dhe Rama nuk mund t’i ikë qeverisë.
Përgjegjësinë mundohet ta kalojë tek drejtësia, duke gënjyer trashë se sipas tij nuk ka hetim ndaj Tahirit, ndërkohë që dosja e ardhur nga Italia e ka në qendër të hetimit ish-ministrin.
Gazetari ka një instruktor dhe ai është Fatos Klosi, ish-shefi i SHIK, i cili dy ditë më parë deklaroi “Pse italianët do të besojmë ne në këtë skandal?”
Sot i ka bërë një tjetër shërbim policisë që komandohet nga Habilajt dhe të gjithë të inkriminuarit. Sipas burimeve të tij aksioni për kapjen e tonelatave të drogës në Babicë ishte dekonspiruar nga Prokuroria, kur në të vërtetë është krejt e kundërta. Sipas burimeve, policia ka refuzuar që të ishte në operacion dhe i është dashur Prokurorisë së Krimeve të Rënda që të marrë peshën kryesore në organizimin e aksionit.
Gazetari Hoxha duhet të çlirohet nga kapja e Tahirit dhe keqpërdorimi që po i bën Rama që të jetë i vërtetë. Dje në media kishte edhe një lajm që gazetari Hoxha ishte kërcënuar nga një betoniere, por i kishte shpëtuar jeta. Më qesharak se kaq nuk mund të jenë ndjekësit mediatikë të njeriut që përpunohet nga Tahiri.