24 orë pasi Gjykata e Apelit në Durrës vendosi rikthimin në qeli të Alket Hatijes, i dënuar nga drejtësia italiane me 20 vjet burg për trafik droge, është shpallur në kërkim nga policia. 45- vjeçari mësohet se nuk është gjetur në adresën e deklaruar prej tij. Pavarësisht se Gjykata e Shkallës së Parë Durrës kishte vendosur më heret masën e sigurimit personal, detyrim paraqitje dy herë në muaj pranë oficerit gjyqësor të Hatijes, ky i fundit është zhdukur.
Informacioni krahas Policisë së Durrësit i është dërguar të gjithë drejtorive në vend, me qëllim arrestimin e tij. Ende mbetet e paqartë, thotë policia, nëse i shumëkërkuari ndodhet ende në vendin tonë apo ka dalë jashtë kufijve. Për këtë është kërkuar verifikimi i të gjithë sistemit TIMS në vend.
