Balotelli rinovon me Nice

Nice's Italian forward Mario Balotelli (C) celebrates his team's victory at the end of the French L1 football match OGC Nice (OGCN) vs Olympique de Marseille (OM) on September 11, 2016 at the "Allianz Riviera" stadium in Nice, southeastern France.VALERY HACHE/AFP/Getty Images

Mario Balotelli te Nice edhe sezonin e ardhshëm. Mbrëmjen e të dielës sulmuesi italian hodhi firmën mbi kontratën e re që do ta mbajë të lidhur me skuadrën nga juglindja e Francës, edhe për një tjetër vit. Do të vazhdojë në këtë mënyrë historia e dashurisë mes Nicës dhe 26-vjeçarit. Sezoni i parë i Balotellit me skuadrën franceze ishte më shumë sesa pozitiv, sepse Supermario me 17 golat e tij ndihmoi skuadrën e Lucien Favre ta mbyllte kampionatin në vendin e 3-të dhe të siguronte kualifikimin në play offin e UEFA Champions League.
Lajmi për rinovimin e kontratës fillimisht u publikua nga klubi Nice në faqen zyrtare, ndërkohë më pas vetë sulmuesi në profilin e tij në Instagram nuk mund ta fshihte kënaqësinë që do të vazhdojë të qëndrojë te Nice. “Dikush është i lumtur? Unë jam”, lexohet në postimin e Balotellit në Instagram. Historia e bukur e 26-vjeçarit te Nice do të vazhdojë edhe për një tjetër sezon, me Balotellin që tashmë do të ketë mundësinë të vihet në evidencë, edhe në Champions League nëse Nice e Lucien Favre do të sigurojë kualifikimin në fazën e grupeve të këtij kompeticioni. Në këtë mënyrë nëse bën paraqitje të mira me skuadrën franceze, verën e ardhshme që do të jetë një lojtar i lirë, Balotelli mund të jetë një nga futbollistët më të kërkuar në merkato.