Ballina Sport Griezmann qëndron tek Atletico Madrid

Griezmann qëndron tek Atletico Madrid

Klubet e interesuara për të duhet ta harrojnë. Antoine Griezmann do të qëndrojë te Atletico e Madridit, me Los Colchoneros që shumë shpejt do t’i rinovojnë kontratën sulmuesit francez, i cili për të qëndruar te skuadra e Diego Simeones ka refuzuar oferta shumë më të mira në aspektin ekonomik. Manchester United, por edhe Reali i Madridit ishin gati të shpenzonin shifra marramendëse për bomberin 26-vjeçar, por tashmë sidomos pas dënimit të marrë nga FIFA me bllokimin e merkatos në hyrje gjatë kësaj vere, shanset që francezi të largohet nga Atletico janë pothuajse zero.
Vetëm 3 muaj më parë, Griezmann rinovoi kontratën e tij me Los Colchoneros deri në vitin 2021, ndërsa në marrëveshjen e re u përfshi edhe një klauzolë largimi që kap shifrën e 100 milionë eurove. United ishte gati t’i shpenzonte këto para për sulmuesin, por Griezmann ka vendosur t’i thotë jo çdo oferte pasi dëshiron të vazhdojë aventurën e tij me klubin bardhekuq. Si shpërblim, Atletico do t’i paraqesë Griezmann-it një kontratë të re me një pagë akoma edhe më të lartë. Tifozët e Atletico së Madridit tashmë mund ta bëjnë gjumin të qetë sepse do të vazhdojnë të shijojnë magjitë e Antoine Griezmann edhe për sezonet në vazhdim.

Exit mobile version