Kush janë tre kandidatët për Kryeministër të Kosovës?

Që nga mbrëmë edhe zyrtarisht janë mësuar emrat e tri kandiatëve kryesorë për pozitën e kryeministrit të Kosovës.
Në zgjedhjet e 11 qershorit, shumica e partive kanë bërë koalicion, në përjashtim me Vetëvendosjen, e cila do të garojë e vetme në këto zgjedhje.
PDK ka bashkuar forcat me AAK, Nisma dhe disa parti të tjera më të vogla, ku për kandidat për kryeministër kanë vendosur liderin e AAK-së, Ramush Haradinaj.
Koalicioni LDK, AKR dhe Nisma kanë për kandidat për kryeministër Avdullah Hotin, derisa e vetme në zgjedhje do të garojë Vetëvendosje me Albin Kurtin.
Por çfarë përgatitje profesionale kanë tre kandidatët që po duan të ulen në karrigen e kryeministrit?

Avdullah Hoti

Avdullah Hoti është kandidati i koalicionit LDK, AKR dhe Alternativa, ai ka studiuar menaxhment dhe informatikë në Fakultetin Ekonomik të Universitetit të Prishtinës gjatë viteve 1994-1998. Studimet e magjistraturës (2001-2002) dhe të doktoratës (2003-2007) për ekonomik i ka përfunduar në Staffordshire University, Britani e Madhe.
Më 2008 është çertifikuar nga Staffordshire University për metoda hulumtuese dhe mentorim të studentëve të doktoratës.

Ramush Haradinaj
Për liderin e AAK-së Ramush Haradinaj, nuk është e panjohur pozita e kryeministrit, pasi ai ka qenë në këtë pozitë prej datës 3 dhjetor 2004 deri më 8 mars 2005.
Haradinaj është me profesion jurist dhe pas nominimit për të kandiduar për kryeministër në zgjedhjet e 11 qershorit, ai është zotuar se do ta nderojë atdheun me besimin që i është dhënë për këtë pozitë.

Albin Kurti
Kandidati i Vetëvendosjes për kryeministër, Albin Kurti, nuk ka studiuar ndonjë fushë, e cila lidhet me politikën, por qysh si student ai është marrë me aktivitete politike.
Në vitin akademik 1993/94, Albin Kurti, filloi studimet dhe i kreu ato pranë Fakultetit të Elektroteknikës në Universitetin e Prishtinës.