Edhe pse nuk po kalon një moment të mirë me Arsenalin, Petr Cech, nderohet me çmim, por në vendlindjen e tij. Portieri i “Topçinjve”, është shpallur nga Federata e Futbolllit çeke “Lojtari më i mirë i vitit 2016”. Kjo është hera e 9 në karrierë që 34-vjeçari nderohet me këtë çmim, që regjistron edhe një rekord të ri, pasi askush më parë nuk e ka fituar kaq herë këtë trofe. Cech në këtë renditje la pas mesfushorin e Hertha Berlin, Vladimir Darida dhe Borek Dockal, që aktivizohet në kampionatin kinez me Henan Jianye.
