Hidhet në erë me tritol një makinë në Krujë

Një shpërthim me eksploziv ka ndodhur gjatë orëve të para të ditës së djeshme në Krujë. Ngjarja ka ndodhur në fshatin Borizanë rreth orës 02:15, ku një automjet është hedhur në erë me tritol. Automjeti, tip “Peugeot”, ishte në pronësi të 39-vjeçarit me iniciale A.H, banues në këtë fshat. Në momentin kur ndodhi shpërthimi, makina ishte e parkuar pranë banesës së tij. Sipas policisë, dëmet kanë qenë vetëm materiale. Policia bëri të ditur se, grupi hetimor po punon për zbardhjen e shkaqeve dhe identifikimin e autorit. Pronari i makinës ka deklaruar para policisë, se nuk ka patur konflikte me asnjë person dhe nuk e dinte se kush mund ta ketë vendosur tritolin.
Po ditën e djeshme janë gjetur 6 kallëpe tritoli në një pallat në Kavajë. Gjashtë ditë më parë u shembën tre katet e fundit të një pallati 20-katësh tek Shkëmbi i Kavajës. Por sot, djali i ndërtuesit ka gjetur 6 kallëpe tritoli të vendosura në kollonat e betonit në katin e 18-të. E. Shala, 19 vjeç ka lajmëruar menjëherë policinë, e cila ka gjetur dhe lëndën plasëse të pashpërthyer.
Sipas policisë E. SH, 19 vjeç nga Tirana, ka njoftuar në polici së në pallatin tek Shkëmbi i Kavajës kishte konstatuar 6 kallëpe tritoli. Policia ushtroi menjëherë kontroll të imtësishëm dhe kanë gjetur sasinë e lëndëve plasëse të vendosur në dy kollona betoni, nga tre kallëpe secila. Kati i 18-të i ndërtesës ishte ende i papërfunduar, pasi pronarit Enver Shala i qenë pezulluar punimet për shkak të mungesës së lejes së ndërtimit.