Ballina Bota & Rajoni 73% e serbëve nuk do luftonin në Kosovë

73% e serbëve nuk do luftonin në Kosovë

Presidenti i Serbisë, Tomisllav Nikoliç deklaroi në pyetjen e drejtuar nga “Deutsche Welle”, në prag të takimeve të fundit mes delegacioneve më të larta të Serbisë dhe Kosovës në Bruksel se, “ai dhe të gjithë serbët do të shkonin për të luftuar në Kosovë e Metohi, në qoftë se është e domosdoshme”. Nikoliç ka thënë se edhe ai vetë me të bijtë e tij do të shkonte në luftë po të ishte nevoja.
Por në hulumtimet e fundit të Qendrës për Politikën e Sigurisë thuhet se 73% e serbëve të anketuar mendojnë se nuk duhet të shkohet në Kosovë për të luftuar, ndërsa 17% “nuk e di” nëse duhet shkuar për të luftuar për Kosovën apo jo. Vetëm 10% e të anketuarve janë të sigurt se duhet shkuar në Kosovë për të luftuar për “mbetjen e saj në kuadër të Serbisë”. Në anketën, e cila u prezantua dje (e hënë) në Beograd thuhet se në një luftë të re në Kosovë nuk do të shkonin madje as shumica e votuesve të partive djathtiste dhe nacionaliste, si Partia Radikale Serbe (e Sheshelit) apo Dveri, shkruan gazeta serbe “Blic”.

Rinia dhe radikalët luftarakë
Më luftarakët janë të rinjtë e moshës 18-29 vjeç. Gati 15% e të anketuarve në këtë moshë thonë se do të shkonin në Kosovë për të luftuar, thuhet në studimin e bërë me mbështetjen e Ministrisë së Jashtme të Norvegjisë. Në këtë anketë të kryer në periudhën prej 26 dhjetor deri më 14 janar janë përfshirë 1.403 qytetarë të Serbisë të moshës madhore. Kur bëhet fjalë për partitë politike, 70,6% e anëtarëve të partisë në pushtet SNS, të presidentit Nikoliç dhe kryeministrit Aleksandar Vuçiç, mendojnë se nuk duhet shkuar në Kosovë për të luftuar, me qëllim që “ajo të mbetet pjesë e Serbisë”, siç është formuluar në sondazh. Tek Partia Demokratike refuzimi i luftës është shumë më i madh (86,5 %), ndërsa liberalët madje 87%.
Më luftarakët janë simpatizantët e partive nacionaliste Dveri dhe radikalët. Tek radikalët gjysma do të shkonte në luftë, ndërsa Dveri 42,5%.

Exit mobile version