Vettingu, kush janë ekspertët ndërkombëtarë

Një ditë e ngjeshur ajo e djeshmja për ekspertët e Operacionit Ndërkombëtar të Monitorimit të mbërritur nga Brukseli.
E kanë nisur ditën me një takim me kryeministrin Edi Rama dhe kryetarin e Kuvendit Ilir Meta, sipas burimeve të “Ora News” në Vilën 30 për të vijuar më pas me një takim informal me një grup gazetarësh dhe më pas me ambasadorin amerikan, Donald Lu.
Takimet kishin në fokus informimin e rolit të ONM në reformën në drejtësi
“Ora News” publikon emrat e 5 përfaqësuesve të misionit të ONM:
1- Genoveva Ruiz Calavera
2- Theo Jacobs, prokuror nga Belgjika
3- Martin Kessen, gjyqtar nga Gjermania
4- Ferdinando Buatier de Mongeot, gjyqtar nga Italia
5- Peter Ainsworth, Këshilli Antikorrupsion i Departamentit të Shtetit
Takimi
Më herët drejtuesja e misionit, Genoveva Ruiz Calavera, pati një takim me gazetarët.
Misioni do të qëndrojnë në Shqipëri derisa Parlamenti të zgjedhë se kush do të jenë 27 personat që do të bëjnë procesin e vettingut.
Puna e Operacionit Ndërkombëtar të Monitorimit nis pas 15 shkurtit.
Vëzhguesit ndërkombëtarë do të shqyrtojnë listat e Avokatit të Popullit dhe t’i paraqesin Kuvendit deri më 1 mars emrat që ata përjashtojnë nga kjo listë.