3 shqiptarë kapen në Itali me 4 kg kokainë

Policia italiane ka sekuestruar 4 kg kokainë të pastër dhe dy kg marijuanë, ndërsa në pranga kanë përfunduar 3 shqiptarë. “Ansa” shkruan se, shqiptarët e arrestuar janë Fatos Sadiku, 33 vjeç, Luan Kasalla dhe Fiqiri Sulmina, të dy 36 vjeç, ndërsa iu janë konfiskuar dhe 30,000 euro cash, një makinë dhe celularët.
Hetimi nga ana e karabinierëve nisi pas lëvizjeve të dyshimta të Kasallës me makinë në autostradën e Forlit. Mësohet se droga u gjet në një banesë që jetonte Kasalla në Bellaria, ku u sekuestruan para dhe pajisje të ndryshme.
Po ashtu, nga hetimet e deritanishme, hetuesit e çështjes hedhin dyshime se shqiptarët e arrestuar kanë lidhje me bandat e rrezikshme të drogës, me aktivitet në provincën e Romanjas.