Aksidentohet për vdekje këmbësorja në Durrës

Një aksident me pasojë vdekjen e një personi ka ndodhur dje në Durrës. Burimet e policisë bënë të ditur se, ngjarja ndodhi rreth orës 14:00, në lagjen nr.17 të qytetit bregdetar. Të njëjtat burime theksuan se, mjeti me targa AA 513 LI, me drejtues shtetasin A. A., 52 vjeç, ka aksidentuar një këmbësore ende të pa identifikuar. Për pasojë, këmbësorja ka ndërruar jetë në Spitalin Rajonal të Durrësit.
Nga hetime e deritanishme të policisë, dyshohet se viktima është rreth, 55 vjeçe, me flokë të zeza, të shkurtra, ndërsa po punohet për identifikimin e saj. Drejtuesi i mjetit është shoqëruar në ambientet e Komisariatit të Policisë për veprime të mëtejshme si dhe për sqarimin e plotë të rrethanave të ngjarjes.