Shkarkohet vegla e Ramës në EURALIUS, BE e ndëshkon për manipulimin

Është ndërprerë në mes mandati i Shefit të Misionit të Bashkimit Europian “EURALIUS”, Rainer Deville.
Televizioni “Klan” mësoi se në mbledhjen e sotme të këtij misioni është vendosur që në vend të tij të komandohet Zëvendës – shefja e Misionit, austriakja Agnez Gergard.
Largimi i Deville vjen pas akuzave të opozitës për përkthimin e qëllimshëm gabim të Ligjit të Vetting-ut, të dorëzuar në Komisionin e Venecias. Sipas opozitës, kjo u bë për të ndikuar në opinionin e Komisionit të Venecias. Ende nuk ka një reagim të zyrës së Komsionit Europian në Tiranë në lidhje me këtë ndërprerje në mes të mandatit të Deville, i cili ishte në varësi direkt e të saj. Vetëm pak ditë më parë kur lajmi se Deville ishte pezulluar nga Brukseli u hodh poshtë nga zyra e Komisoinit Europian. Zyra sqaronte se, Deville nuk ishte shkarkuar, por se ishte me pushime. Duket se pushimet paskqan qëlluar mjaft të gjatë të Deville. Ajo që rezulton është se mediat paskan pasur të drejtë, ndërsa zyra e Ramës rezulton të ketë gënjyer sërish shqiptarët. Po përse u largua Deville dhe a është kjo një përgjegjësi vetëm e tij? Kjo nuk dihet nëse do të ketë një përgjigje të saktë. Ajo që mund të thuhet është fakti se, Deville në detyrën që kishte ushtronte detyren e tij nën mbikëqyrjen e zyrës së Komisionit Europian në Tiranë. Zyra e Vlahutin tha se përgjegjësi kryesor në këmbimin e dokumentave dhe përkthimeve janë zyrat e institucioneve shqiptare, por nuk sqaroi se kush e kishte gabuar në përkthim.