Mjekët në protestë kundër koncesionit të laborantëve

Teknikët e laboratorit mjekësor të Qendrës Spitalore Universitare “Nënë Tereza” kanë protestuar sërish kundër partneritetit me privatin për shërbimin e tyre. Laborantëve dhe mjekëve iu janë bashkuar edhe studentët.
Sipas tyre dhënia me koncesion e laboratorit do të rrezikojë edhe praktikën universitare që ata bëjnë gjatë viteve të shkollimit. Teknikët e laboratorit kanë ngritur sërish shqetësimin për vendin e punës, të cilin nuk e kanë të sigurtë pas nënshkrimit të kontratës.
Janë 18 laboratorë mjekësor dhe 700 teknikë në të gjitha spitalet rajonale që përfshihen në këtë partneritet. Ministria e Shëndetësisë më herët është shprehur se vetëm 150 mjekë do të kenë një kontratë me shtetin.