Të rinjtë, vezë dhe domate kundër Beqes

Disa të rinj kanë qëlluar sot ministrin e Shëndetësisë, Ilir Beqaj me domate, vezë e ilaçe. Të rinjtë protestuan përpara Ministrisë së Shëndetësisë dhe bllokuan hyrjen e ndërtesës. Ata mbajnë në duar parulla me shprehjen “Suksese në jetë”, shprehje thënë nga ministri Beqaj në bisedën telefonike me drejtorin e pushuar nga detyra të Fondeve të Sigurimeve Shëndetësore në Tropojë.
Të rinjtë e quajtën zotin Beqaj “hajdut” dhe kërkuan dorëheqjen e tij.
Policia ndërhyri për të larguar të rinjtë nga hyrja e ministrisë.
Flet organizatori i sulmit të sotëm ndaj ministrit të Shëndetësisë, Ilir Beqajt, i cili së bashku më 9 shokë të tij hodhi vezë, domate dhe paracetamol para Ministrisë së Shëndetësisë. Rigert Kapllani bashkë me 9 shokë të tij, mes të cilëve dhe Endrit Memija flet për Hashtag.al, duke treguar pse ndërmorën këtë sulm si dhe detaje nga organizimi.
Përshëndetje Rigert, të kontaktojmë nga Hashtag.al. Pse e organizuat? Kush ishte në grup? Çfarë kërkoni nga Beqaj?
Ne kërkojmë dorëheqjen e Beqjas. E goditëm, sepse është hajdut dhe duhet të mbajë përgjegjësi për lekët që ka marrë. 1.7 milion vetëm me një dorë. Nuk do e lëmë me kaq deri sa të dorëhiqet.
Sa të rinj ishit? Kush? Si u soll policia?
Ishim 10 veta, sepse e menduam si deklaratë. Policia nuk u soll keq vetëm na kërkuan mos të prekim kangjellat e ministrisë. Dje na e morën banderolën.
Jeni pjesë e ndonjë partie? Kë përfaqësoni?
Ne jemi të rinjtë e Aksionit Qytetar në PD.