Çfarë do bëjë byroja, do përjashtojë popullin?

PD dënoi dje përjashtimin nga punimet e Parlamentit për 5 ditë të Kryetarit të Grupit parlamentar të PD, Paloka. Sekretari i Përgjithshëm i PD, Ristani tha se populli është në revoltë ndaj Beqes dhe hajdutëve të tjerë, duke ngritur pyetjen “mos tani do të përjashtojnë edhe popullin?”
“Byroja e Kuvendit, si bijëz besnike e byrosë së dikurshme, përjashtoi sot kryetarin e Grupit parlamentar të PD-së, z.Edi Paloka, i cili nuk lejoi një tjetër abuzim të Ilir Beqës, kësaj radhe në Kuvend, kur kërkoi me arrogancë të vjedhë edhe foltoren e Parlamentit.
Pasi ka vjedhur miliona euro në shëndetësi, pasi ka vjedhur miliona euro me firmën e tij private që kap çdo tender të qeverisë, pasi trafikon vendet e punës sipas interesit personal dhe të partisë, Ilir Beqja, kampioni i korrupsionit të Edi Ramës, tentoi të vjedhë dhe fjalën në Parlament.
Reagimi i Edi Palokës është thjesht shprehja, pasqyrimi i revoltës së popullit për këtë simbol të hajdutërisë dhe abuzimit. Populli është në revoltë ndaj Beqës, ndaj Ramës, dhe ndaj kusarëve të tij.
Siç doli sot në rrugë dhe tentoi t’i bllokojë rrugën drejt zyrës, ku ndan koncesionet dhe milionat me klientët e tij.
Çfarë do bëjë byroja, ka ndërmend të përjashtojë popullin?”, tha Ristani. Kryetari i Grupit parlamentar të PD nuk lejoi Beqen të flasë nga podiumi i Parlamentit një ditë pas skandalit të përjashtimit të një drejtori të Shëndetëissë nga Beqja. Drejtori u shkarkua, sepse nuk kishte marrë pjesë në mbledhjen e Partisë Socialiste dhe skanadali u denoncua në media. Vendimi abusrd i Beqes solli reagim të deputetëve të opozitës në Parlament. Paloka ka ndërprerë për disa minuta fjalën e ministrit dhe kjo ka çuar në vendimin e djeshëm të Byrosë për të përjashtuar Kryetarin e Grupit parlamentar të PD. Vendimi është votuar nga deputetët e PS. Deputetët e LSI kanë abstenuar në këtë votim.