Shpërthen në flakë një makinë në hyrje të Durrësit

Një automjet me targa AA 303 NH është përfshirë nga flakët në hyrje të qytetit të Durrësit, vetëm pak çaste pasi ka qenë në pritje pranë një semafori. Burime nga policia bënë të ditur se ngjarja ka ndodhur rreth orës 13:30 të ditës së djeshme dhe drejtuesi i mjetit “Citroen”, identiteti i të cilit ende nuk është bërë i ditur, fatmirësisht ka shpëtuar pa lëndime.
Një makinë zjarrfikëse bëri të mundur shuarjen e flakëve të zjarrit, ndërsa policia ka nisur hetimet. Paraprakisht nga dëshmia e dhënë prej drejtuesit të mjetit bëhet me dije se zjarri ka ardhur nga pjesa e motorit. Dyshimet paraprake janë se zjarri në makinë ka shpërthyer si pasojë e një shkëndije elektrike në motor. Ndërkohë, burime nga policia bëjnë me dije se ngjarja ka qenë aksidentale.